Hadisə nəticəsində 2 nəfər ölüb, 3 nəfər yaralanıb…
Hadisə nəticəsində 2 nəfər ölüb, 3 nəfər yaralanıb.
Ağcabədi rayonunun Qaradolaq kəndində iki nəfərin ölümü, üç nəfərin yaralanması ilə nəticələnən yol qəzası baş verib.
Oxu.Az APA-ya istinadən xəbər verir ki, hadisə bu gün səhər 06-07 radələrində qeydə alınıb.
“VAZ-2109” və “Chevrolet ” markalı minik avtomobillərinin toqquşması nəticəsində “VAZ 2109” markalı minik avtomobilində olan iki nəfər sərnişin – Beyləqan rayon sakinləri İbadlı Ramil Qubad oğlu və İsmayılov Amid Nizami oğlu hadisə yerindəcə dünyalarını dəyişiblər.
“VAZ-2109”un sürücüsü Rauf Qarayev ağır vəziyyətdə Ağcabədi Mərkəzi Rayon Xəstəxanasına çatdırılıb.
“Chevrolet “in sürücüsü və bir nəfər sərnişin yüngül xəsarət alıblar.
Milli.az-ın əldə etdiyi məlumata görə, qəzada ölən şəxslərin hər ikisi hərbçidir.
