Azərbaycan Mədəniyyət və Turizm Nazirliyi ölkənin turizm potensialını təbliğ etmək məqsədilə bu il ərzində 10 beynəlxalq turizm sərgisində iştirak etməyi planlaşdırır…
Azərbaycan Mədəniyyət və Turizm Nazirliyi ölkənin turizm potensialını təbliğ etmək məqsədilə bu il ərzində 10 beynəlxalq turizm sərgisində iştirak etməyi planlaşdırır.
Nazirlikdən Trend-ə verilən məlumata görə, Azərbaycan nümayəndə heyəti bu il artıq Türkiyənin İstanbul şəhərində keçirilən EMITT turizm sərgisində iştirak edib.
Azərbaycan bu il ərzində martın 5-9-da Almaniyanın Berlin şəhərində, martın 11-22-də Moskva şəhərində, martın 26-28-də Ukraynanın Kiyev şəhərində, aprelin 23-25-də Qazaxıstanın Almatı şəhərində, mayın 5-8-də Birləşmiş Ərəb Əmirliyinin Dubay şəhərində, mayın 20-22-də Almaniyanın Frankfurt şəhərində, sentyabrın 23-26-da Fransanın Paris şəhərində, noyabrın 3-6-da Böyük Britaniyanın London şəhərində keçiriləcək beynəlxalq turizm sərgilərində təmsil olunacaq.
Bu il Azərbaycanın iştirak edəcəyi son turizm sərgisi noyabrın 18-20-də İspaniyanın Barselona şəhərində təşkil ediləcək.
Trend.az
