Fransa Prezidenti Fransua Ollandın Azərbaycana səfəri zamanı əməkdaşlıq haqqında bir sıra ikitərəfli sazişlər imzalanacaq. Trend-in məlumatına görə, bu barədə cümə günü Fransa Respublikasının Azərbaycandakı səfiri Paskal Mönye Azərbaycanda əlillərin tibbi-sosial reabilitasiya sisteminin inkişafının dəstəklənməsi üzrə tvinninq layihəsinin təqdimatında deyib.
Diplomat qeyd edib: “Həmin sənədlər ölkələrimiz arasında ətraf mühitin mühafizəsi, İKT, enerji və nəqliyyat sahələrində əməkdaşlığa dair olacaq “.
Onun sözlərinə görə, Prezident Fransua Ollandın Bakıya səfəri yaxın həftələrdə baş tutacaq: “Hazırda müvafiq saziş layihələrini hazırlayırıq. Əminəm ki, ölkələrimiz arasında qarşılıqlı əlaqələr uğurla inkişaf edəcək “.
Qeyd edək ki, Fransa Prezidenti Fransua Ollandın Azərbaycana səfəri mayın 11-12-nə nəzərdə tutulur.
/Trend/
