TÜRKPA-nın İqtisadiyyat, ticarət və maliyyə məsələləri üzrə komissiyasının 3-cü toplantısı keçiriləcək

Fevralın 11-də Azərbaycan Milli Məclisində TÜRKPA-nın İqtisadiyyat, ticarət və maliyyə məsələləri üzrə komissiyasının 3-cü toplantısı keçiriləcək.

TÜRKPA-dan Trend-ə verilən məlumata görə, türkdilli dövlətlər arasında iqtisadi əməkdaşlıqda nəqliyyat kommunikasiyalarının rolu toplantının gündəliyinin əsas mövzusudur.

Toplantıda dörd üzv ölkənin parlamentarilərindən ibarət komissiya üzvləri, həmçinin Türkdilli Ölkələrin Əməkdaşlıq Şurasının və TRASEKA Hökumətlərarası Kommissiyasının nümayəndələri iştirak edəcəklər.

Toplantıdan öncə üzv ölkələrdən olan mütəxəssislərin iştirakı ilə toplantının mövzusuna dair məsləhətləşmələrin aparılması nəzərdə tutulub.

Trend.az