Neft-qaz istehsalı azalıb…
Neft-qaz istehsalı azalıb.
2014-cü ilin yanvar-sentyabr aylarında ölkə sənayesinin təsərrüfat subyektləri tərəfindən 25,2 milyard manatlıq məhsul istehsal olunmuş və xidmətlər göstərilib.
Oxu.Az xəbər verir ki, Dövlət Statistika Komitəsindən verilın məlumata görə, sənaye məhsulunun 71,8 faizi istehsal olunmuş mədənçıxarma bölməsində 32,1 milyon ton neft, 13,8 milyard kub metr əmtəəlik təbii qaz və digər məhsullar hasil edilib.
“Emal bölməsində istehsalın həcmi sənayenin ümumi məhsulunun 22,3 faizini təşkil etmiş, qida, tütün məmulatlarının, geyim, kimya, tikinti materiallarının, hazır metal məmulatlarının, elektrik avadanlıqlarının, avtomobil və qoşquların, sair nəqliyyat vasitələrinin və s. məhsulların istehsalında artım müşahidə edilmişdir.
İstehsal edilmiş sənaye məhsulunun 5,3 faizi elektrik enerjisi, qaz və buxar istehsalı, bölüşdürülməsi və təchizatı bölməsinin, 0,6 faizi su təchizatı, tullantıların təmizlənməsi və emalı bölməsinin payına düşür.
Sənayenin qeyri-neft sahələrində istehsalın həcmi əvvəlki ilin yanvar-sentyabr aylarının səviyyəsini 6,0 faiz üstələmiş, neft-qaz sektorunda isə 2,0 faiz azalmışdır. Ümumi sənaye istehsalının 93,2 faizi malların (əmtəələrin), 6,8 faizi isə sənaye xarakterli xidmətlərin payına düşmüş, məhsulun 80,7 faizi özəl bölmədə istehsal olunmuşdur”, – məlumatda deyilib.
