Rusiya qırıcıları Avropa səmasında

NATO təcili hərəkətə keçdi…

NATO təcili hərəkətə keçdi.

NATO bəyan edib ki, müşahidə xidməti 2014-cü ilin 28 və 29 oktyabr tarixində bir neçə qrup Rusiya hərbi təyyarəsini müşahidə ediblər. Bu təyyarələr Avropa hava məkanında iri hərbi manevrlər edərək Baltika, Qara və Şimal dənizi, eləcə də Atlantik dənizi üzərindən keçiblər, Oxu.Az BBC-yə istinadən xəbər verir.

Norveçin Kral HHQ-nin F-16 qırıcıları həyəcan siqnalı ilə havaya qaldırılıb, pilotlar dörd Tu-95 bombardmançı və İl-78 ehtiyat təyyarəsini qeydə alıblar.

“Hal-hazırda iki Tu-95 bombardmançı Rusiyaya istiqamət götürüb, amma Mərkəzi Avropa vaxtı ilə 16:00 olan məlumata əsasən təyyarələr hələ də havada idilər”, – alyansda bildiriblər.

Bombardmançılar və ehtiyat-təyyarələri uçuş planı barədə informasiya verməyiblər və hava hərəkatı idarəsinin mülki xidməti ilə əlaqə yaratmayıblar, bununla da mülki aviasiya üçün potensial təhlükə yaradıblar, NATO-da bəyan ediblər.

Rusiya tərəfi hələ ki, bu bəyanata şərh verməyib.

Xəbər verilir ki, elə həmin gün NATO radarları Qara dəniz üzərində iki Tu-95 və iki qırıcı Su-27 qırıcısını görüblər.

Bu qrup oktyabr ayının 28-də Baltika dənizi üzərində də görünüb, NATO iddia edir.

Onları müşayiət etmək üçün Almaniya, Danimarka, eləcə də NATO-ya daxil olan Finlandiya və İsveçrə aviasiyası da havaya qalxıb.

Şimali Atlantika Alyansında 2014-cü ildə NATO aviasiyasının 100-dən çox təyyarənin qarşısını almaq üçün havaya qalxdığı söylənilir, bu isə ötən ildəkindən təxminən üç dəfə çoxdur.

Keçən həftə NATO-nun rəhbərliyi Baltika dənizi üzərində xəfiyyə-təyyarə tutulub. Rusiya bəyan edib ki, təyyarə neytral sular üzərində tədris uçuşu edirdi.

www.oxu.az