Mayor Hüseynov “Tərtər” özünümüdafiə batalyonu yaradıb…
Mayor Hüseynov “Tərtər” özünümüdafiə batalyonu yaradıb.
Azərbaycanın Milli Qəhrəmanı Elman Hüseynovun doğum günüdür.
Oxu.Az xəbər verir ki, Elman Süleyman oğlu Hüseynov 1952-ci il fevralın 28-də Tərtər şəhərinin İlxıçılar kəndində anadan olub. O, 1991-ci ilin noyabr ayında “Tərtər” özünümüdafiə batalyonu yaradır və komandiri olur.
O, öz batalyonu ilə Ağdərə, Seysulan, Çaylı, Marquşevan, Marağa, Drambon, Sərsəng, Həsənqaya, Çıldıran və digər döyüşlərdə rəşadətlə vuruşub, 1993-cü il yanvarın 14-də Vəng kəndi uğrunda döyüşdə qəhrəmanlıqla həlak olub.
Tərtər şəhəri Qaraqoyunlu kəndində dəfn edilib. Tərtər şəhərindəki küçələrdən biri onun adını daşıyır, Tərtər şəhərində büstü qoyulub.
/oxu.az/
