“Orta ümumtəhsil məktəblərində hüquq tərbiyəsinin təbliği məqsədi ilə tədbirlərin keçirilməsi ” layihəsi çərçivəsində növbəti seminar-məşğələ Bərdədə keçirildi

İnsan Hüquqları üzrə İctimai Şura ictimai birliyi Azərbaycan Respublikasının Prezidenti yanında Qeyri-Hökümət Təşkilatlarına Dövlət Dəstəyi Şurasının maliyyə dəstəyi ilə həyata keçirilən “Orta ümumtəhsil məktəblərində hüquq tərbiyəsinin təbliği məqsədi ilə tədbirlərin keçirilməsi ” layihəsi çərçivəsində məktəblilər arasında növbəti seminar-məşğələ keçirilmişdir. Növbəti seminar məşğələ 16 noyabrda Bərdə rayonunda 50-dən çox şagirdin iştirakı ilə baş tutdu. Ekspert şagirdlərə Azərbaycan Respublikası Konstitusiyasında təsbit olunan müvafiq müddəalarla şagirdlərin tanış edərək, Azərbaycan vətəndaşlarının, habelə şagirdlərin özlərinin bir sıra vəzifələri, hüquq və azadlıqları, Cinayət hüququ, Mülki hüquq, Ailə hüququ, Təhsil hüququ, Asayişin keşiyində dayanan hüquq işçilərinin vəzifələri və bu vəzifələrin dövlət əhəmiyyəti, Hüquq pozuntularının mahiyyəti, Birgəyaşayış normaları və bu normaların pozulması hallarının yolverilməzliyi barədə onlara məlumatların verdi.