İl ərzində Dövlət Miqrasiya Xidmətinə 54362 müraciət daxil olub
2010-cu il ərzində 54 min 362 nəfər xarici ölkə vətəndaşı tərəfindən Azərbaycan Respublikası Dövlət Miqrasiya Xidmətinə (DMX) müraciət daxil olub. Bu barədə Lent.az-ın məlumatına görə ötən il ərzində ölkə ərazisində əcnəbi vətəndaşlar tərəfindən 12 min 34 inzibati pozuntu halı müəyyən edilib. Həmin şəxslərdən 7954 nəfəri barəsində 48 saat ərzində ölkəni tərk etməsi qərarı çıxarılıb. 1284 nəfər isə inzibati qaydada ölkə hüdudlarından çıxarılıb. Bu isə keçən il 9238 əcnəbinin ölkədən kənarlaşdırılması deməkdir.
İnzibati pozuntuya yol vermiş 2796 əcnəbinin cərimə ödəməklə Azərbaycanda yaşaması leqallaşdırılıb.
Keçən il ərzində əcnəbi vətəndaşlar tərəfindən DMX-ya müraciət ən çox oktyabr ayında olub. Həmin ay ərzində 8052 nəfər Azərbaycanda yaşamaq və ya fəaliyyət göstərmək istəyini bildirib./lent.az/
