“Türkiyə və Azərbaycan tərəfindən TANAP layihəsi də inkişaf etdirilib”…
“Türkiyə və Azərbaycan tərəfindən TANAP layihəsi də inkişaf etdirilib”.
Biz Azərbaycan başda olmaqla, dost və müttəfiq ölkələrlə birlikdə şərq-qərb enerji dəhlizini böyütdük.
Oxu.Az APA-Economics-ə istinadən xəbər verir ki, bu barədə Türkiyə prezidenti Rəcəb Tayyib Ərdoğan İstanbulda keçirilən Dünya İqtisadi Forumunda bildirib, Türkiyənin “Akşam” qəzeti yazır.
“Bakı-Tiflis-Ceyhan və Bakı-Tiflis-Ərzurum boru xətləri layihələri bu dəhlizin uğurla həyata keçirdiyi iki təməl komponentdir. Türkiyə və Azərbaycan tərəfindən Transanadolu boru xətti layihəsi də, yəni TANAP adı ilə inkişaf etdirilib”, – deyə Türkiyə prezidenti qeyd edib.
O, həmçinin deyib ki, Türkiyə təbii qaz və yanacaq ehtiyatlarının 3/4 malik bölgə ölkələri ilə Avropada istehlakçı bazarlar arasında olduqca önəmli mövqeyə malikdir:
“Bu üstün mövqe Türkiyəyə enerji təhlükəsizliyi sahəsində imkanlarla təqdim etməklə yanaşı, öhdəliklər qarşısında da qoyur”.
