O Türkiyənin Azərbaycanın vacib tərəfdaşı olduğunu qeyd edib…
O Türkiyənin Azərbaycanın vacib tərəfdaşı olduğunu qeyd edib.
Noyabrın 14-də Müdafiə naziri general-polkovnik Zakir Həsənov işçi səfərilə ölkəmizdə olan Türkiyənin Jandarma Baş Komandanı ordu generalı Abdullah Atayı qəbul edib.
Oxu.Az xəbər verir ki, müdafiə naziri general-polkovnik Z.Həsənov qonağı salamlayaraq Azərbaycanla Türkiyə arasında hərbi sahədə əməkdaşlığın daim yüksələn xətt üzrə artdığını, strateji tərəfdaşlıq və qardaşlıq münasibətləri əsasında qurulduğunu və əlaqələrin davamlı olduğunu qeyd edib.
Müdafiə naziri bölgədəki hərbi-siyasi vəziyyətə toxunaraq Ermənistan-Azərbaycan Dağlıq Qarabağ münaqişəsinin regional sabitliyə əsas təhlükə yaratdığını, problemin beynəlxalq hüquq norma və qaydalarına uyğun həllinə nail olunmasının vacibliyini vurğulayıb.
Ordu generalı Abdullah Atay da öz növbəsində səmimi qəbul üçün təşəkkürünü bildirərək, dövlətlərimizin əlaqələrinin qədim tarixi bazaya, mehriban dostluq. qardaşlıq münasibətlərinə əsaslandığını və Türkiyənin Azərbaycanın vacib tərəfdaşı olduğunu qeyd edib.
Görüşdə Türkiyə nin Azərbaycandakı hərbi attaşesi Hasan Nevzat Taşdeler iştirak edib.
/Oxu.az/
