Ziya Məmmədov Mingəçevirdə vətəndaşları qəbul edəcək

Qeydiyyat oktyabrın 22-dək aparılacaq.

Vətəndaşların qəbulu və müraciətlərinə baxılması, mövcud nəqliyyat problemlərinin araşdırılması və həll edilməsi məqsədi ilə Azərbaycanın nəqliyyat naziri Ziya Məmmədov oktyabrın 24-də Mingəçevir şəhərində Samux rayonunda və Mingəçevir şəhərində yaşayan vətəndaşları qəbul edəcək. 

Bu barədə Oxu.Az nazirlikdən məlumat verilib.

Məlumata görə, qəbula gəlmək istəyən vətəndaşların qeydiyyatı oktyabrın 22-də saat 09:00-dan 18:00-dək müvafiq olaraq aşağıdakı ünvanlarda aparılacaqdır:

Mingəçevir “63 saylı Yol İstismarı İdarəsi” (Mingəçevir şəhəri, Nigar Rəfibəyli küçəsi, 6/2);

Samux “57 saylı Yol İstismarı İdarəsi” (Samux rayonu, Çobanabadlı kəndi).