“Türkiyənin qərarı qətidir”…
“Türkiyənin qərarı qətidir”.
Azərbaycan ilə aramızdakı bütün əlaqələrin daha yüksək səviyyədə inkişaf edəcəyinə heç bir şübhə yoxdur. Siyasi baxımdan Türkiyə və Azərbaycan arasında heç bir problem yoxdur.
Oxu.Az xəbər verir ki, bunu Türkiyədə səfərdə olan Azərbaycan Prezidenti İlham Əliyevlə birgə mətbuat konfransında qardaş ölkənin dövlət başçısı Rəcəb Tayyib Ərdoğan bildirib.
Ərdoğan vurğulayıb ki, hazırda iki ölkə arasında ticarət dövriyyəsinin həcmi 5 milyard dollara çatıb və məqsəd 2023-cü ildə bu rəqəmi 15 milyard dollara qədər yüksəltməkdir.
“Son dərəcə mühüm və səmimi görüş keçirdik, təkbətək görüşdə bir çox mövzularda danışdıq. Yuxarı Qarabağla bağlı son məlumatları birbaşa Azərbaycan tərəfindən aldıq. Təəssüf ki, ATƏT-in Minsk Qrupu konkret bir addım atmayaraq, xeyli vaxtdır ki, gecikdirmə taktikasından çıxış edir. Bir daha vurğulamaq istəyirəm ki, Dağlıq Qarabağ Azərbaycanın tərkib hissəsidir və bizim Azərbaycana dəstəyimiz bundan sonra da davam edəcəkdir. Son dərəcə həssas olan bu mövzuda Türkiyənin qərarı qətidir”, – deyə, Ərdoğan bildirib.
