Separatçılar artilleriya, tank və raketlərlə hücuma keçib…
Separatçılar artilleriya, tank və raketlərlə hücuma keçib.
Son bir gündə Ukrayna ordusunun 6 əsgəri ölüb, 18 əsgəri yaralanıb.
Oxu.Az-ın ANS PRESS-ə istinadən məlumatına görə, bu barədə Ukrayna Milli Təhlükəsizlik Şurasının informasiya mərkəzinin spikeri Andrey Lısenko açıqlama verib.
Lısenkonun sözlərinə görə, rusiyapərəst separatçılar Donetsk hava limanında bir neçə dəfə terminalı ələ keçirməyə cəhd göstərib. Hökümət qüvvələri hücumların qarşını alıb.
Lısenko separatçıların döyüşlərdə artilleriya, tank, minaatan və raketlərdən istifadə etdiyini qeyd edib.
Qeyd edək ki, bu gün Minskdə Ukrayna, Rusiya, separatçılar və ATƏT nümayəndələrinin növbəti görüşü keçirilməlidir.
Onu da bildirək ki, Ukraynanın şərqində gedən döyüşlərdə 4700-dən çox adam ölüb.
