“Azərbaycan əhalisinin siyahıya alınması çərçivəsində səfirlik və konsulluqlarımıza sorğu vərəqələri göndərilib ki, xaricdə yaşayan vətəndaşlarımız prosesdən kənarda qalmasın”.
“Report” xəbər verir ki, bunu Dövlət Statistika Komitəsinin sədri Tahir Budaqov deyib.
O həmçinin bildirib ki, Dünya Bankı Azərbaycandakı demoqrafik vəziyyəti müsbət qiymətləndirir.
“Əhalimizin 6,4%-i yaşı 65 və daha yuxarı olan şəxslərdir. Son 10 ildə ölkəmizdə insanların sayı 1 084 500 nəfər və yaxud 12,1% artıb. Son 15 ildə nikahların sayında 11,4% artım olub. Ömür uzunluğu 73,4 yaşdan 75,8 yaşa yüksəlib. O cümlədən kişilər üzrə 70,8 yaşdan 73,3 yaşa, qadınlar üzrə isə 76,1 yaşdan 78,2 yaşa qədər artıb. Ana ölümü əmsalı doğulan hər 100 min nəfərdə 26,3-dən 12,2-ə enib, körpələr üzrə ölüm əmsalı isə 11,4-dən 11,1-ə enib, 5 yaşadək uşaq ölümlərinin sayı isə hər 100 min nəfərdə 14,4-dən 13,1-ə düşüb”, – o bildirib.
Komitə sədri onu da əlavə edib ki, Azərbaycanda miqrasiya üzrə müsbət saldo 14 800 nəfər təşkil edir.
Report
