Dövlət Sərhəd Xidmətinin rəisi, general-polkovnik Elçin Quliyev və İran Sərhəd Qoşunlarının komandanı, general-mayor Qasim Rezai bu gün İranın Ərdəbil vilayətində görüşəcəklər.
“Report” “TasnimNews”a istinadən xəbər verir ki, bu barədə jurnalistlərə Q.Rezai bildirib.
Onun sözlərinə görə, ikigünlük danışıqlarda qonşu ölkələr arasında təhlükəsizlik əlaqələrinin möhkəmləndirilməsi və bir sıra digər məsələlərin müzakirə olunacağı planlaşdırılır.
Qeyd edək ki, daha əvvəl Q.Rezainin Bakıya səfəri çərçivəsində Azərbaycan və İran Dövlət Sərhəd xidmətləri arasında protokol imzalanıb.
