Bu gün Azərbaycan Milli Məclisinin növbəti plenar iclası öz işinə başlayıb…
Bu gün Azərbaycan Milli Məclisinin növbəti plenar iclası öz işinə başlayıb.
APA-nın məlumatına görə, spiker Oqtay Əsədov iclası açıq elan etdikdən sonra sabah 22-ci ildönümü olan Xocalı soyqırımı şəhidlərinin xatirəsi bir dəqiqəlik sükutla yad edilib.
Spiker qeyd edib ki, Xocalı faciəsi bəşəriyyətdə insanlığa qarşı törədilmiş ən böyük cinayətlərindən biridir: “Məhz buna görə Çexiya, Meksika, Honduras, Pakistan, Macarıstan və dünyanın bir sıra digər ölkələri, o cümlədən Avropa Birliyinin 20-yə qədər ştatı Xocalı faciəsini qətliam kimi qəbul edib. Bütün bunlar Azərbaycan dövlətinin başçısının apardığı haqlı və uğurlu siyasətin nəticəsidir. O cümlədən Heydər Əliyev Fondunun vitse-prezidenti Leyla Əliyevanın “Xocalıya ədalət” kampaniyası çərçivəsində bu faciə dünyada sürətlə təbliğ olunur”.
O.Əsədov deyib ki, tezliklə işğal olunmuş torpaqlar da azad olunacaq: “Çünki gündən-günə güclənən Azərbaycan dövlətinin başlıca məqsədi budur”.
Qeyd edək ki, iclasın gündəliyinə 4 məsələ daxildir.
/Apa/
