Dövlət Komitəsi hesabat açıqladı…
Dövlət Komitəsi hesabat açıqladı.
2014-cü ildə Azərbaycanın xarici ölkələrdə 7 yeni diaspor təşkilatı yaradılıb və hazırda dünyanın müxtəlif ölkələrində fəaliyyət göstərən diaspor təşkilatların sayı 453-ə çatıb.
Oxu.Az bu barədə Diasporla İş üzrə Dövlət Komitəsinin 2014-cü ilin yekununa dair hesabatına əsasən məlumat verir.
Hesabatda qeyd olunub ki, 2014-cü ildə dünyanın müxtəlif ölkələrində Azərbaycan diaspor təşkilatları tərəfindən 557 tədbir keçirilib. Hesabat dövründə keçirilmiş tədbirlərdən 189-u Azərbaycan həqiqətlərinin dünya ictimaiyyətinə çatdırılması, Ermənistanın, erməni diaspor və lobbi qruplarının anti-təbliğat kampaniyalarının qarşısının alınması məqsədinə xidmət edib.
2014-cü ilin yanvar və fevral ayları ərzində xarici ölkələrdə fəaliyyət göstərən Azərbaycan diaspor təşkilatları tərəfindən Xocalı soyqırımının iyirmi ikinci ildönümü ilə bağlı 100-ə yaxın tədbir keçirilib.
