Qurum məlumat yaydı…
Qurum məlumat yaydı.
“Bakıelektrikşəbəkə” ASC “ASAN Xidmət” mərkəzləri vasitəsi ilə xidmət əhatəsini genişləndirir.
Bu barədə Oxu.Az-a “Bakıelektrikşəbəkə” ASC-dən bildiriblər.
Mayın 15-i 2014-cü il tarixdən etibarən Bakı 4 saylı “ASAN Xidmət” mərkəzi vasitəsi ilə “Bakıelektrikşəbəkə” ASC tərəfindən dekabrın 31-nə olan tarixədək 3221 nəfər vətəndaşa xidmət göstərilib.
Qurumdan bildirilir ki, yanvarın 9-u 2015-ci il tarixdən etibarən Bakı 2 saylı “ASAN Xidmət” mərkəzində fəaliyyət göstərməyə başlanılıb. Yaxın günlərdə Bakı 1 saylı “ASAN Xidmət” mərkəzində də abonentlərə xidmət göstərməyə başlanılacaqdır.
“Bakıelektrikşəbəkə” ASC-nin “ASAN Xidmət” mərkəzləri vasitəsi ilə göstərdiyi xidmətlərdən yararlanmaq üçün abonentlər aşağıda göstərilmiş ünvanlara həftəiçi səhər saat 10:00-dan 20:00-dək, şənbə və bazar günləri isə səhər saat 10:00-dan 17:00-dək müraciət edə bilərlər.
1 saylı Bakı “ASAN xidmət” mərkəzi
Ünvan: Bakı, Akademik Həsən Əliyev küçəsi 36
2 saylı Bakı “ASAN xidmət” mərkəzi
Ünvan: Bakı, Nobel prospekti 23, AMAY Ticarət mərkəzinin 2-ci mərtəbəsi
4 Saylı Bakı “ASAN xidmət” Mərkəzi
Ünvan: Bakı, Bakıxanov qəsəbəsi, Sülh küç, 8A
