Tədbirdə Azərbaycanın sabiq müdafiə naziri iştirak edəcək…
Tədbirdə Azərbaycanın sabiq müdafiə naziri iştirak edəcək.
Bu gün Azərbaycanın Milli Qəhrəmanı Albert Aqarunovun doğum günüdür.
Oxu.Az xəbər verir ki, Albert 25 aprel 1969-cu il Bakı Şəhərində anadan olub.
Suraxanı rayonundakı 154 saylı məktəbin səkkizinci sinfini bitirərək peşə məktəbində sürücü-mexanik vəzifəsinə yiyələnir.
1987-ci ildə hərbi xidmətə çağrılan Albert xidməti vəzifəsini Gürcüstanda yerinə yetirir və tank komandiri olur. Daha sonra Bakıya dönərək Suraxanıda Maşınqayırma zavodunda işləyir. Vətənimizin dar günlərində Albert Aqarunov könüllü olaraq cəbhəyə yollanır.
Albert tank komandiri təyin edilir və Şuşa cəbhəsinə yollanır. O Xankəndi, Daşaltı, Cəmilli istiqamətində gedən döyüşlərdə erməni faşistlərinin xeyli canlı qüvvəsini və zirehli texnikasını məhv edir. 8 may 1992…
Şuşada səhər tezdən erməni quldurlarının tankları görünür, Albert düşmən tanklarından birini yaxın məsafədən tək atəşlə məhv edir, yenidən irəli atılan vətən oğlu növbəti sərrast atəşlə yenidən düşmən tankını məhv edir sevincindən məhv etdiyi tanklara baxmaq istəyən Albert snayper gülləsinə tuş gəlir və döyüş meydanında qəhrəmancasına həlak olur. Albert Qarabağ müharibəsində əfsanəyə çevirilmişdi onun şücaətindən danışmayan yox idi, o dövrdə hərkəs tankını Albert adlandırırdı…ermənilər onun başına pul mükafatı qoymuşdular.
Subay idi.
Azərbaycan Respublikası prezidentinin 7 iyun 1992-ci il tarixli 833 saylı fərmanı ilə Aqarunov Albert Aqarunoviç ölümündən sonra “Azərbaycanın Milli Qəhrəmanı” adına layiq görülmüşdür.
Bakıda Şəhidlər xiyabanında dəfn edilmişdir.
Vaxtilə tahsil aldığı 154 saylı orta məktəb onun adını daşıyır.
Qeyd edək ki, bu gün Bakı şəhəri Suraxanı rayonunda Heydər Əliyev mərkəzində Azərbaycanın Milli Qəhrəmanı Albert Aqarunovun ad günü qeyd ediləcək. Nəzərinizə çatdıraq ki, 2014-cü ilin aprel ayının 25-də Albertin 45 yaşı tamam olacaq.
Vesti.Az-ın məlumatına görə, tədbir Azərbaycan hərbi muzeyi, Səbail tank batalyonundan döyüş yoldaşları, dağ yəhudiləri dini cəmiyyəti, Suraxanı rayonu və Şuşa şəhəri administrasiyası tərəfindən təşkil edilib.
Tədbirdə Azərbaycanın sabiq müdafiə naziri general-mayor Dadaş Rzayev, Suraxanı rayon İH-in başçısı İlqar Abbasov, Şuşa şəhəri İH-in başçısı Bayram Səfərov və başqaları iştirak edəcək.
/Oxu.az/
