Düşmən qorxu içindədir…
Düşmən qorxu içindədir.
Azərbaycan Silahlı Qüvvələri Qarabağda yeni taktika və silah tətbiq edirlər, deyə, qorxusunu gizlətməyən erməni mətbuatı yazır.
Oxu.Az xəbər verir ki, Naira Ayrumyan adlı bir müəllifin yazdığı məqalədə azərbaycanlıların yeni gecəgörmə texnikası aldıqları qeyd olunur.
“Bu texnika onlara hətta minalanmış sahədən keçməyə, canlı qüvvəni görməyə və tək, amma çox ağrılı zərbə endirməyə imkan verir. Məlumat var ki, azərbaycanlılar israil və alman texnikasını tətbiq edirlər”, – deyə, müəllif yazır və işğalçılara mövqeləri güclü projektorlarla işıqlandırmağı təklif edir.
Öz tərəfimizdən qeyd edək ki, son günlər cəbhədə ermənilərin təxribatları artıb.
Lakin hər dəfə əsgərlərimiz inamla düşmənin istənilən təxribatlarının qarşısını alır. Yanvarın 3-dən 24-dək erməni işğalçıları Qarabağda 11 hərbçilərini itiriblər, bu gün isə düşmənin düşərgəsində sətəlcəm xəstəliyinin kütləvi hal alması barədə xəbər yayılıb.
