“Bunu inkar etmək qurbanlar və həqiqətə qarşı ədalətsizlikdir”…
“Bunu inkar etmək qurbanlar və həqiqətə qarşı ədalətsizlikdir”.
Fransa prezidenti Fransua Olland Türkiyəni qondarma erməni soyqırımını tanımağa çağırıb.
Oxu.Az ANS PRESS-ə istinadən xəbər verir ki, Fransua Olland Qafqaza səyahət proqramı çərçivəsində Ermənistana gedib və orada qondarma erməni soyqırımı qurbanları üçün ucaldılan abidəni ziyarət edib.
Olland Ermənistan səfəri zamanı erməni əsilli fransız müğənni Şarl Aznavurun konsertinə də gedib. O, müğənninin ifasında ən çox sevdiyi mahnı olan “Emmenez-moi” adlı mahnıya qulaq asıb. Daha sonra Ermənistan prezidenti Serj Sarkisyan Fransua Ollandın şərəfinə şam yeməyi verib. Şam yeməyindən sonra Olland qeyd edib ki, qondarma erməni soyqrımını inkar etmək olmaz:
“Bunu inkar etmək qurbanlar və həqiqətə qarşı ədalətsizlikdir. Bunu inkar etmək olmaz. Dünyanın hər yerində soyqırımın tanınması üçün imkanlar var. Soyqırımı tanımaq bölməz, birləşdirər”.
Fransua Olland daha sonra, 2015-ci ildə qondarma erməni soyqırımının 100-cü ildönümündə iştirak etmək üçün İrəvana səfər edəcəyini açıqlayıb.
