Vertolyotları çoxşaxəli məsələlərin həlli üçün istifadə etmək planlaşdırılıb…
Vertolyotları çoxşaxəli məsələlərin həlli üçün istifadə etmək planlaşdırılıb.
Rusiya Ermənistanın cənubi hərbi vilayətində aviasiya bazası yerləşdirməyi planlaşdırır.
Oxu.Az “Вестник Кавказа”-a istinadən bildirir ki, Erebuni hərbi aerodromunda artıq ordu aviasiyasının təyyarəçiləri üçün hərbi və xüsusi obyektlərinin tikintisi başlanılıb.
Ermənistan respublikasının Erbuni aerodromuna ordu aviasiyasının aviatexnikasının gətirilməsi 2014-cü ilin III-IV rübünə nəzərdə tutulub. Ordu aviasiyası Mi-24P, Mi-8MT, Mi-8SMB vertolyotlarından ibarət olacaq.
Hava gəmilərinin hər bir vahidi üçün dayanacaqda yer ayrılıb, xidmət üçün yer texniki vasitələri nəzərdə tutulub.
Mi-24 və Mi-8 vertolyotları ordunun aviasiya dəstəyi və Ermənistan ərazisində Rusiya hərbi bazasının şəxsi heyətinin transportirovkası üçün istifadə planlaşdırılır.
/oxu.az/
