“Hərbi təlimlərə başlaması gərginliyin qaçılmaz olduğunu göstərir”…
“Hərbi təlimlərə başlaması gərginliyin qaçılmaz olduğunu göstərir”.
Rusiya Xarici İşlər Nazirliyi NATO sammitində qəbul olunan qərarlara münasibət bildirib.
Oxu.Az axar.az-a istinadən xəbər verir ki, nazirlik qərarların NATO ölkələrinin deyil, bir neçə dövlətin qəbul etdiyini iddia edib:
“Zirvə görüşündə qəbul olunan qərarlar NATO-nun ABŞ və bir neçə Avropa dövlətinin diktəsi altında siyasət yürütdüyünü bir daha ortaya qoymuş oldu”.
Nazirlik həmçinin, NATO-nun ABŞ və üzv ölkələrin qərarı ilə Ukrayna torpaqlarında reallaşdıracağı manevrin bölgədəki gərginliyi artıracağını qeyd edib:
“Ukrayna mövzusunda qəbul olunan qərarların çəkisi və xüsusiyyəti NATO-ya üzv ölkələrin Kiyevlə birgə Ukrayna torpaqlarında bu ilin sonuna qədər ortaq hərbi təlimlərə başlaması gərginliyin qaçılmaz olduğunu göstərir. Bu addımlar Ukraynada sülh prosesini təhlükəyə atacaq və ölkədə vətəndaş müharibəsinə səbəb olacaq”.
Nazirlik NATO sammitində qəbul olunan qərarların tez bir zamanda Rusiya tərəfindən dəyərləndiriləcəyini bildirib.
