Azərbaycanda Ağdərə haqqında yeni sayt istifadəyə verildi

«İRƏLİ» İctimai Birliyinin İnformasiya Texnologiyaları Mərkəzi Ağdərə haqqında yeni sayt/bloq istifadəyə verib, — bu barədə məlumatı çərşənbə günü birliyin mətbuat xidməti yayıb.

Sayt/bloq haqqında daha ətraflı məlumat almaq üçün http://myaghdara.wordpress.com/ ünvanına baxmaq olar.

«İRƏLİ» İctimai Birliyinin İnformasiya Texnologiyaları Mərkəzi bu ilin sonuna qədər Azərbaycanın işğal altında olan bütün rayonlarına həsr olunmuş sayt/bloqlar istifadəyə verəcək. Bu bloqların yaradılması «Mənim Qarabağım! Mənim Azərbaycanım» devizi altında həyata keçirilir.

Artıq İRƏLİ» İctimai Birliyinin İnformasiya Texnologiyaları Mərkəzi Azərbaycan həqiqətlərinin dünyaya təbliği üçün 10-dan artıq bu qəbildən olan layihəyə müəlliflik edir.

Bu günə qədər artıq Şuşa və Laçın haqqında bloqlar istifadəyə verilib.

/Trend, müxbir T.Cəfərov/